കൈകഴുകുന്നത് ശീലമാക്കൂ..രോഗങ്ങളെ അകറ്റി നിർത്തൂ...

കൈ കഴുകാതെ ആഹാരം കഴിക്കുക നിങ്ങളുടെ ശീലമാണോ ???
എങ്കിൽ സൂക്ഷിക്കുക ... നിങ്ങളുടെ കൈകളിൽ നിങ്ങളറിയാതെ ഒരുപാട് രോഗാണുക്കൾ വന്ന് ചേരുന്നുണ്ട്. അവ നിങ്ങൾ കഴിക്കുന്ന ആഹാരത്തിനൊപ്പം ശരീരത്തിനുള്ളിലെത്തുകയും ശരീരത്തെ കീഴ്പ്പെടുത്തി രോഗങ്ങളുണ്ടാക്കുകയും ചെയ്യും.

നല്ല ശീലങ്ങൾ രോഗങ്ങളെ അകറ്റും. ആഹാരത്തിന്‌ മുൻപും പിൻപും മലവിസർജ്ജനത്തിനുശേഷവും കൈ സോപ്പും ശുദ്ധജലവും ഉപയോഗിച്ച് കഴുകുന്നത് ശീലിക്കൂ. ആരോഗ്യം നിലനിർത്തൂ..

★എപ്പോളൊക്കെയാണ് കൈകൾ കഴുകേണ്ടത് ??

-◆ ടോയ്‌ലെറ്റ് ഉപയോഗിച്ച ശേഷമോ നാപ്കിൻ മാറ്റിയ ശേഷമോ
-◆ ഭക്ഷണം പാകം ചെയ്യും മുന്നേയും ശേഷവും
-◆ ഭക്ഷണം കഴിക്കുന്നതിന് മുന്നേയും ശേഷവും
-◆ രോഗികളുമായി ഇടപഴകിയ ശേഷം.
-◆ പൊതു ഇടങ്ങൾ സന്ദർശിച്ച ശേഷം.
-◆ മാലിന്യം നിർമ്മാർജ്ജനം ചെയ്ത ശേഷം.
-◆ പുറം പണികളിൽ ഇടപെട്ട ശേഷം.
-◆ വളർത്തു മൃഗങ്ങളുമായി ഇടപെടുമ്പോളും ശേഷവും.

★കൈ കഴുകാം, ഇങ്ങനെ...

-◆ രണ്ടു കൈകളും നനയ്ക്കുക
ഹാൻഡ് വാഷ് / സോപ്പ് ഉപയോഗിക്കുക

-◆ രണ്ടു കൈകളുടേയും അകം ഭാഗം കഴുകുക
-◆ രണ്ടു കൈകളുടേയും പുറം ഭാഗം കഴുകുക

-◆ വിരലുകളുടെ ഇടഭാഗം ഭാഗം കഴുകുക
തള്ളവിരൽ കഴുകുക

-◆ ഉള്ളം കൈയിൽ ഉരച്ച് വിരൽ തുമ്പുകൾ കഴുകുക

-◆ കൈകളുടെ വശങ്ങൾ കഴുകുക
കണങ്കൈകൾ കഴുകുക

-◆ സോപ്പു വൃത്തിയായി കഴുകി കളയുക

-◆ ഉണങ്ങിയ വൃത്തിയുള്ള ടൗവ്വൽ ഉപയോഗിച്ച് തുടയ്ക്കുക.

കൈകഴുകുന്നത് ശീലമാക്കൂ...രോഗങ്ങളെ അകറ്റി നിർത്തൂ...

Comments

ചങ്ങലംപരണ്ടയുടെ ഔഷധഗുണങ്ങൾ

☘️ ചങ്ങലം പരണ്ട 【Bone setter】☘️ ശാസ്ത്രനാമം :- Cissus quadrangularis പേര് സൂചിപ്പിക്കുന്ന പോലെ തന്നെ ചങ്ങലക്കണ്ണികൾ പോലെ തണ്ടുള്ള മരങ്ങളിൽ പടർന്നു കയറുന്ന ഒരു ചെടിയാണ് ചങ്ങലംപരണ്ട. ഒടിഞ്ഞ അസ്ഥികളെ യോജിപ്പിക്കാനുള്ള ഔഷധശക്തിയുള്ളതിനാൽ ഇതിനെ സംസ്കൃതത്തിൽ അസ്ഥിസംഹാരി എന്ന് നാമകരണം ചെയ്തിരിക്കുന്നു. കരിം പച്ച നിറത്തിൽ ഹൃദയാകൃതിയിൽ വളരെ ഇടവിട്ട് ഓരോ ഇലകൾ കാണപ്പെടുന്നു. പൂക്കൾ വളരെ ചെറുതാണ്. കാൽസ്യത്താൽ സമ്പന്നമാണ് തണ്ടുകൾ .കൂടാതെ carotene, ascorbic acid, protein, carbohydrate, pectin, vitamin C എന്നിവയും അടങ്ങിയിരിക്കുന്നു . കേരളത്തിന്റെ ചിലയിടങ്ങളിൽ കർക്കടകക്കഞ്ഞിയിലെ ഒരു ചേരുവയാണിത്.കഫവാത ശമനമായ ചങ്ങലംപരണ്ട രക്തസ്തംഭനവും ദീപനവും പാചനവുമാണ്(improves digestion)ആർത്തവം ക്രമീകരിക്കുന്നതിനും ഉത്തമം 🌸രസാദി ഗുണങ്ങൾ ആയുർവേദത്തിൽ 🌸 രസം. : മധുരം ഗുണം : രൂക്ഷം, ലഘു വീര്യം : ഉഷ്ണം ...

കർക്കിടകത്തിൽ മുരിങ്ങയില

കർക്കിടകത്തിലെ അടുക്കള ... അകത്താര്? ... അകത്ത് പത്തില ☘️ പുറത്താര് ? .... പുറത്ത് മുരിങ്ങയില ..🌿 ........................................ മുരിങ്ങയില ഔഷധ ഗുണസമ്പന്നൻ. പക്ഷെ കർക്കിടകത്തിൽ അടുക്കളക്ക് പുറത്ത്. എന്താണ് മുരിങ്ങയില കർക്കിടകത്തിൽ കഴിക്കരുത് എന്ന് പറയുന്നതിന് കാരണം.... നമുക്കു നോക്കാം..... മുരിങ്ങയിലയുടേയും മരത്തിന്റേയും വിവിധ നാട്ടു ചൊല്ലുകളും പഴംപുരാണങ്ങളും ഉണ്ട്. യക്ഷി ഭൂതബാധയൊക്കെ വിശ്വസിച്ചിരുന്ന കാലത്ത് ഒരു മുരുക്കും മുരിങ്ങയും അടുത്തടുത്ത് നട്ടാൽ യക്ഷിയെയും ചാത്തനെയും പേടിക്കണ്ട എന്ന് പറഞ്ഞ് അത് നടുന്നവർ ഉണ്ടായിരുന്നു. ചിലന്തി, പഴുതാര മുതലായവ കടിച്ചാൽ കടി കൊണ്ടയാൾ മുരിങ്ങ മരത്തിൽ കടിച്ചാൽ വിഷം ഏല്ക്കില്ല എന്നും കേട്ടിട്ടുണ്ട്. കഥകളിലെ ഒരു കഥ അറിഞ്ഞത് ഈയിടെയാണ്. അത് കർക്കിടക കാലത്തെ മുരിങ്ങയിലയോടുള്ള അയിത്തമായിരുന്നു. മതിലിൽ കയറി നിന്ന് ഏന്തി വലിഞ്ഞ് ദേവകിയമ്മ മുരിങ്ങയില കൊമ്പു താഴ്ത്തുമ്പോഴാണ് വഴിയിലൂടെ പോകുകയായിരുന്ന രാജേഷിന്റെ കമന്റ് "മിഥുനമല്ലെ ആയുള്ളൂ ഇപ്പൊ കറി വച്ചോ കർക്കടകമായാൽ തീരെ പാടില്ലെന്നും പറഞ്ഞ് കുറേ പോസ്റ്റുകള് ഫേസ് ബുക്കിലും വാ...

ഹെപ്പറ്റൈറ്റിസ് :- കാരണങ്ങളും വ്യാപനത്തിന്റെ വഴികളും

കരളിനുണ്ടാകുന്ന വീക്കത്തെയാണ് കരള്‍വീക്കം അഥവാ 'ഹെപ്പറ്റൈറ്റിസ് ' എന്നുപറയുന്നത്. ശരീരത്തിന്റെ ശുദ്ധീകരണശാലയായ കരളിനെ ബാധിക്കുന്ന ഗുരുതരമായ രോഗങ്ങളിലൊന്നാണിത്. രക്തം രക്താംശം എന്നിവയുടെ കലര്‍പ്പിലൂടെയും മലിനമായ ജലം മാലിന്യം കലർന്ന ഭക്ഷ്യവസ്തുക്കൾ എന്നിവ വഴിയും രണ്ടു തരത്തിലാണു സാധാരണയായി ഈ രോഗം പകരുന്നത്. പല കാരണങ്ങൾ കൊണ്ട് ഹെപ്പറ്റൈറ്റിസ് ബാധിക്കാമെങ്കിലും പൊതുവെ ഇതൊരു വൈറസ് രോഗമാണെന്നു പറയാം. ഹെപ്പറ്റൈറ്റിസ് എ, ഹെപ്പറ്റൈറ്റിസ്‌ ബി , ഹൈപ്പറ്റെറ്റിസ് സി, ഹെപ്പറ്റൈറ്റിസ് ഡി, ഹെപ്പറ്റൈറ്റിസ് ഇ എന്നിങ്ങനെയാണ് ഈ വൈറസുകളെ നാമകരണം ചെയ്തിരിക്കുന്നത് -◆ Hepatitis A -◆ രോഗാണു ബാധിതമായ ഭക്ഷണത്തിലൂടെയൂം വെള്ളത്തിലൂടെയുമാണ് ഹെപ്പറ്റൈറ്റിസ് എ പകരുന്നത്. ശുദ്ധമായ കുടിവെള്ളം ലഭിക്കാതിരിക്കുക, മാലിന്യ നിർമാർജ്ജന മാർഗ്ഗങ്ങൾ ഇല്ലാതിരിക്കുക തുടങ്ങിയ സാഹചര്യങ്ങളിലാണ് രോഗബാധ ഉണ്ടാകുന്നത്.ശരിയായ ശുചിത്വ ശീലങ്ങൾ പാലിക്കുന്നതിലൂടെയും ശുദ്ധമായ അണുമുക്തമായ വെള്ളം ഉപയോഗിക്കുന്നതിലൂടെയും ഇത് തടയാം -◆ Hepatitis B -◆ രോഗബാധയുള്ള ആളിന്റെ രക്തം, മറ്റ് ശരീര സ്രവങ്ങൾ എന്നിവയിലൂടെയാണ് രോഗാണു മറ്റൊരാ...

Mind Your Health

Search This Blog