Skip to main content

Liver Cirrhosis :- അറിയേണ്ടതെല്ലാം

സിറോസിസ് : രോഗത്തിന്റെ ലക്ഷണങ്ങൾ, കാരണങ്ങൾ 

An article by DrPhilip Augustine, Gastroenterologist








കരൾ കോശങ്ങളുടെ ദീർഘകാലത്തെ നാശം കൊണ്ട് ഉണ്ടാകുന്ന സിറോസിസ് (Cirrhosis) എന്ന കരൾ രോഗത്തിന് പല കാരണങ്ങൾ ഉണ്ട്. കരളിന്റെ നാശം ഫൈബ്രോസിസ് (Fibrosis) എന്ന ഘടനാപരമായ മാറ്റത്തിനും, കരളിന്റെ മിനുസമായ പ്രതലത്തിൽ കട്ടിയുള്ള നിരവധി മുഴകൾക്കും കാരണമാകും. കരളിന്റെ അന്തർഭാഗത്തുള്ള സമ്മർദ്ദം വർദ്ധിക്കുകയും (Portal Hypertension), രോഗം വർദ്ധിച്ച് കരളിന് തകർച്ച (Liver Failure) ഉണ്ടാകുകയും ചെയ്യും.




സിറോസിസിന്റെ കാരണങ്ങൾ


സ്ത്രീപുരുഷഭേദമെന്യേ ചെറുപ്പക്കാരെയും പ്രായംചെന്നവരെയും സീറോസിസ് ബാധിക്കാറുണ്ട്. പ്രതിദിനം 80 ഗ്രാമിലധികം ശുദ്ധമായ മദ്യത്തിന് തുല്യമായ മദ്യപാനീയങ്ങൾ ഉപയോഗിക്കുന്ന പുരുഷന്മാരിലും 40 ഗ്രാമിലധികം ഉപയോഗിക്കുന്ന സ്ത്രീകളിലും സീറോസിസ് ഉണ്ടാകാനുള്ള സാധ്യത വളരെ കൂടുതൽ ആണ്.

ഹെപ്പറ്റൈറ്റിസ് ബി, സി, ഹീമോ സിഡോറോസിസ് (Hemosiderosis) വിൽസൺസ് രോഗം (Wilson’s Disease) തുടങ്ങി പാരമ്പര്യസ്വാധീനമുള്ള കരൾ രോഗങ്ങൾ എന്നിവയും സീറോസിസിന് കാരണമാകും. അമിതമായ ശരീരഭാരം, പ്രമേഹം, രക്താതിസമ്മർദ്ദം, തൈറോയിഡ് ഗ്രന്ഥിയുടെ മാന്ദ്യം (Hypothyroidism) എന്നിവ കൊണ്ട് കരളിൽ കൊഴുപ്പു കൂടുന്ന അവസ്ഥ (Fatty Liver), ആമവാതത്തിനുള്ള (Rheumatoid Arthitis) മെതോട്രെക്‌സേറ്റ് പോലുള്ള ചില മരുന്നുകളുടെ ദീർഘകാല ഉപയോഗം എന്നിവയും സീറോസിസിലേക്ക് നയിക്കാറുണ്ട്.


സിറോസിസ് രോഗത്തിന്റെ ലക്ഷണങ്ങൾ







പ്രാഥമിക ഘട്ടത്തിൽ മിക്ക സീറോസിസ് രോഗികളിലും വലിയ രോഗലക്ഷണങ്ങൾ ഒന്നും കാണാറില്ല. സാമാന്യമായ ആരോഗ്യ പരിശോധനക്കിടയിൽ പലപ്പോഴും സിറോസിസ് രോഗം യാദൃശ്ചികമായി കണ്ടെത്തപ്പെടുക സാധാരണയാണ്. എന്നാൽ രോഗം ശക്തവും പഴക്കവുമുള്ളതാണെങ്കിൽ കൂടുതൽ ഗൗരവമുള്ളതും തിരിച്ചറിയാൻ സഹായിക്കുന്നതുമായ രക്തം ഛർദ്ദിക്കുക, വയറിൽ വെള്ളം കെട്ടി മഹോദരം ഉണ്ടാവുക, മഞ്ഞപ്പിത്തം എന്നിവ പ്രത്യക്ഷപ്പെടാം. തലച്ചോറിന്റെ പ്രവർത്തനവൈകല്യം (Encepholopathy) തുടർന്നുണ്ടാകാം. അനുബന്ധമായി വൃക്കയുടെ പ്രവര്‍ത്തനവും താളംതെറ്റാം. ഇപ്പറഞ്ഞതെല്ലാം സിറോസിസ് ഗുരുതരാവസ്ഥയിലെത്തുമ്പോഴാണ്. എന്നാൽ സിറോസിസിന്റെ പ്രാരംഭദശയിൽ അതിയായ ക്ഷീണം, ശരീരം വളരെയധികം ശോഷിക്കുക, വിശപ്പില്ലായ്മ, ഉറക്കക്കുറവ്, കൈകാലുകളുടെ പത്തികളിലും ക്രമേണ ശരീരം ഒട്ടാകെയും ചൊറിച്ചിൽ, വയറിന്റെയും നെഞ്ചിന്റെയും മുമ്പിലെ ചർമ്മത്തിൽ ചിലന്തി പോലുള്ള രക്തക്കുഴലുകളുടെ സഞ്ചയം (Spider Nivea) എന്നിവയൊക്കെയാണ് സിറോസിസിന്റെ ആദ്യഘട്ടത്തിലെ ലക്ഷണങ്ങൾ. തുടർന്ന് കണ്ണിലും ശരീരത്തിൽ മുഴുവനും പടരുന്ന മഞ്ഞനിറം, നഖങ്ങളുടെ വീക്കം, ദുർഗന്ധം വമിക്കുന്ന മലം, ശരീരത്തിന്റെ പല ഭാഗത്തു നിന്നുമുള്ള രക്തം ചൊരിച്ചിൽ, രക്തം ഛർദ്ദിക്കൽ, നീർക്കെട്ട്, സ്തനങ്ങളുടെ വീക്കം, ലൈംഗിക ജഡത (Impotence) ശ്വാസകോശങ്ങളിലെ വെള്ളക്കെട്ട് കൊണ്ടുള്ള ശ്വാസംമുട്ടൽ തുടങ്ങിയ രോഗലക്ഷണങ്ങൾ ക്രമേണ സിറോസിസിൽ പ്രത്യക്ഷപ്പെടുന്നു.


അപകടകരമായ രോഗലക്ഷണങ്ങൾ





പ്രാരംഭഘട്ടത്തിൽ ഒ.പി തലത്തിലുള്ള ചികിത്സ മതിയാകും. എന്നാൽ കഠിനമായ പനി, ശക്തിയായ വയറുവേദന, രക്തസ്രാവം,  ഛർദ്ദിൽ, കറുത്ത നിറത്തിൽ മലത്തിലൂടെയുള്ള രക്തസ്രാവം (Malena), വളരെ പെട്ടെന്നുണ്ടാകുന്ന ശരീരം മെലിയൽ, മനോവിഭ്രാന്തി, മൂത്രശോധന തീരെ കുറയുക എന്നീ ലക്ഷണങ്ങൾ അപകടകരമാണ്. ഈ രോഗലക്ഷണങ്ങൾ ഉള്ള രോഗിക്ക് ആശുപത്രിയിലെ കിടത്തി ചികിത്സ, മിക്കപ്പോഴും തീവ്രപരിചരണ ചികിത്സ സഹിതം വേണ്ടിവരും. കരളിലെ അതിസമ്മർദ്ദം (Portal Hypertension) കൊണ്ട് കരളിനുള്ളിലൂടെയുള്ള രക്തയോട്ടം (Blood Flow) തടസ്സപ്പെടുമ്പോൾ, ആ രക്തം ഹൃദയത്തിലെത്തിക്കാൻ അസാധാരണ രക്തക്കുഴലുകൾ (Varices) ഉണ്ടാകുന്നു. അന്നനാളത്തിന്റെ  (Esophegus) ചുറ്റുമാണ് ഈ പുതിയ രക്തക്കുഴലുകൾ സാധാരണയായുണ്ടാവുക. കരളിന്റെ അതിമർദ്ദം കൂടുമ്പോൾ ഈ രക്തക്കുഴലുകളിലെ സമ്മർദ്ദം വർദ്ധിക്കുകയും, അവ പൊട്ടിത്തകർന്ന് രക്തസ്രാവം ഉണ്ടാവുകയും ചെയ്യും. അതുപോലെ തന്നെ മറ്റൊരു വിപത്തുമുണ്ട്. കരളിലൂടെയുള്ള രക്തചംക്രമണം കുറയുമ്പോൾ അമോണിയ, മെർകാപ്റ്റിൻ തുടങ്ങിയ മാലിന്യങ്ങൾ കലർന്ന രക്തം മസ്തിഷ്‌ക്കത്തിലേക്ക് ഒഴുകി എത്തുകയും ചെയ്യുന്നു. വിഭ്രാന്തി (Delirium), ദീർഘമായ മയക്കം (Stupour), അബോധാവസ്ഥ (Coma) എന്നിവയ്ക്ക് ഇത് കാരണമാകാം. തലച്ചോറിന്റെ പ്രവര്‍ത്തനവും തുടര്‍ന്ന് താളം തെറ്റുന്നു.


രോഗത്തിന്റെ വിവിധ ഘട്ടങ്ങൾ






കരളിന്റെ ഘടനയ്ക്കും പ്രവർത്തനത്തിനും കുറേയധികം നാശം സംഭിച്ചിട്ടുണ്ടെങ്കിലും പല സിറോസിസ് രോഗികളും വലിയ വൈഷമ്യങ്ങൾ ഇല്ലാതെ ഏതാനും വർഷങ്ങൾവരെ ജീവിച്ചേക്കാം. തകരാറുകൾക്കിടയിലും കരൾ അതിന്റെ പ്രധാന പ്രവർത്തനങ്ങൾ നിർവഹിക്കുന്നതിനാലാണിത്. ഈ അവസ്ഥയെ സമീകൃതഘട്ടത്തിലെ (Compensated Phase) സിറോസിസ് ആയി കണക്കാക്കുന്നു. എന്നാൽ അത് ഏറെക്കാലം നീണ്ടുനിൽക്കാറില്ല. പ്രവർത്തന വൈകല്യങ്ങൾക്ക് അടിപ്പെട്ട്, കരൾ അതിന്റെ സുപ്രധാന ധർമ്മങ്ങൾ നിർവഹിക്കാനാകാതിരിക്കുന്ന അവസ്ഥ (Decompenseted Cirrhosis) അത്യന്തം പ്രയാസകരവും മാരകവുമായ രോഗാവസ്ഥയാണ്. കരളിനുള്ളിലെ അതിസമ്മർദ്ദം, ആവർത്തിച്ചുള്ള രക്തസ്രാവങ്ങൾ, വയറിലെ അനിയന്ത്രിതമായ വെള്ളക്കെട്ട് (Ascites), ശരീരത്തിലെ നീർക്കെട്ട്, പ്രോട്ടീൻ നഷ്ടം എന്നിവയോടൊപ്പം വൃക്കയുടെ തകർച്ചയും, മസ്തിഷ്‌കത്തിന്റെ വൈകല്യവും കൂടി വന്ന് രോഗിയുടെ അവസ്ഥ കഷ്ടത്തിലാക്കുന്നു. ഈ രോഗലക്ഷണങ്ങളെയും രക്തപരിശോധനാഫലങ്ങളെയും അടിസ്ഥാനമാക്കി  സിറോസിസിന്റെ രൂക്ഷത അടയാളപ്പെടുത്താൻ ചില മാനകങ്ങൾ രൂപപ്പെടുത്തിയിട്ടുണ്ട്. Childs Pugh Score, MELD, Baveno തുടങ്ങിയ മാനകങ്ങൾ സിറോസിസ് രോഗത്തിന്റെ കാഠിന്യം അടയാളപ്പെടുത്തുന്നു.



Courtesy :- DrPhilip Augustine ,Gastroenterologist

Comments

Popular posts from this blog

Fruits To Avoid During Pregnancy

     Pregnancy changes everything in a woman's life. It is the most delicate period for her and her baby. Food hygiene should be given primary importance throughout the pregnancy. Fruits should be an integral part of every pregnancy diet. However there are certain fruits that should be avoided during pregnancy.. Lets have a look on it... 1. Papaya Papayas, especially the unripe and semi ripe ones are rich in latex which is known to trigger uterine contractions leading to early labour or miscarriage 2. Pineapple Pineapples are rich in bromelanin which can cause softening of the cervix which may induce early labour 3. Grapes  Eating grapes during pregnancy is shrouded in controversy. Most experts advise to avoid it because of the amount of pesticides sprayed on it to keep away insects. Moreover the presence of resveratrol in grapes can cause toxicity for the expectant mother  4. Dates  Eating dates during...

പനിയെക്കുറിച്ച് അറിഞ്ഞിരിക്കേണ്ട 10 കാര്യങ്ങൾ

പനിയെക്കുറിച്ച് അറിഞ്ഞിരിക്കേണ്ട 10 കാര്യങ്ങൾ 1) പനി ഒരു രോഗമല്ല, രോഗലക്ഷണമാണ്. പനിയെ ഭയപ്പെടേണ്ട, രോഗിയെ ജാഗ്രതയോടെ പരിചരിക്കൂ. 2)  പനികൾ പൊതുവേ വൈറൽ പനികളാണ്, അവയ്ക്ക് മിക്കപ്പോഴും പലതരം പരിശോധനകളും നിരവധി ഔഷധങ്ങളും വേണ്ട. 3) സാധാരണ വൈറൽ പനികൾ സുഖമാകാൻ മൂന്നു മുതൽ അഞ്ചു ദിവസം വരെ വേണ്ടി വന്നേക്കും. 4) പനിക്കെതിരെയുള്ള എല്ലാ മരുന്നുകളും  - ഏറ്റവും ലളിതമായ പാരസെറ്റോമോൾ പോലും - ഡോക്ടറുടെ നിർദ്ദേശപ്രകാരം കഴിക്കുന്നതാണ് നല്ലത്. 5) ആശുപത്രിയിലായാലും വീട്ടിലായാലും ശരീരത്തിനു വേണ്ടത്ര ശ്രദ്ധയും പരിചരണവും നൽകേണ്ടതാണ്. രോഗം വിട്ടു മാറാനും, പനി മാറിയതിനു ശേഷമുള്ള ക്ഷീണം കുറയ്ക്കാനും താഴെ പറയുന്ന കാര്യങ്ങൾ ശ്രദ്ധിക്കുക: -◆ചൂടുള്ള പാനീയങ്ങൾ ക്രമമായി നിരന്തരം കുടിയ്ക്കുക. ഉപ്പു ചേർത്ത കട്ടിയുള്ള കഞ്ഞി വെള്ളം, നാരങ്ങാവെള്ളം, ഇളനീർ എന്നിവ കട്ടൻ ചായ, കട്ടൻ കാപ്പി, ജീരക വെള്ളം, ചൂടു വെള്ളം എന്നിവയേക്കാൾ നല്ലതാണ്. -◆ നന്നായി വേവിച്ച മൃദുവായ. പോഷകാഹാരവും ചുറ്റുവട്ടത്ത് ലഭ്യമായ പഴങ്ങളും ചെറിയ അളവിൽ ഇടവിട്ടു തുടർച്ചയായി കഴിക്കുക. -◆ പനി പൂർണ്ണമായി മാറും വരെ വിശ്രമിക്കുക. രോഗം വേ...

ആപ്പിൾ കഴിക്കുന്നവരുടെ ശ്രദ്ധയ്ക്ക്...🍎🍎🍎

ദിവസവും ആപ്പിൾ കഴിക്കുന്നത് ഡോക്ടറെ ഒഴിവാക്കാൻ സഹായിക്കുമെന്നാണ് പഴമൊഴി. പഠനങ്ങൾ തെളിയിക്കുന്നതും അതുതന്നെ.. രോഗപ്രതിരോധശേഷി വർദ്ധിപ്പിക്കുന്നതിനും ഹൃദയാരോഗ്യം സംരക്ഷിക്കുന്നതിനും കാൻസർ മുതലായ മാരകരോഗങ്ങളെ തടയുന്നതിനും ചർമ്മസംരക്ഷണത്തിനുമൊക്കെ ആപ്പിൾ വളരെ ഉത്തമമാണ്.. എന്നാൽ ആപ്പിളിന്റെ കുരുവിൽ ചെറിയ അളവിൽ വിഷപദാർത്ഥം അടങ്ങിയിരിക്കുന്നു എന്നത് നിങ്ങൾക്കറിയാമോ ??? ആപ്പിൾ കുരു കഴിക്കരുതെന്നാണ് പഠനങ്ങൾ സൂചിപ്പിക്കുന്നത്.. അതിനു പിന്നിലെ കാരണങ്ങൾ എന്തൊക്കെയാണെന്ന് നമുക്ക് നോക്കാം... ആപ്പിളിന്റെ കുരുവിൽ Amygdalin എന്ന സംയുക്തം അടങ്ങിയിരിക്കുന്നു. ആപ്പിൾ കുരു നമ്മൾ ചവച്ചരച്ച് കഴിയ്ക്കുന്നതോടെ Amygdalin നമ്മുടെ ദഹനരസവുമായി ചേര്‍ന്ന് പ്രവർത്തിച്ചു  Hydrogen cyanide (HCN) രൂപപ്പെടുകയാണ് ചെയ്യുന്നത്.സയനൈഡുകൾ ഏറ്റവും മാരകമായ വിഷങ്ങളുടെ ഗണത്തിൽ പ്പെടുന്നവയാണെന്നു നമുക്കെല്ലാവർക്കും അറിവുള്ളതാണല്ലോ..തലച്ചോറിനെയും ഹൃദയത്തെയുമാണ് സയനൈഡ് ഏറ്റവും കൂടുതൽ ബാധിക്കുന്നത്.  Hydrogen Cyanide ന് രക്തത്തിന്റെ oxygen നെ വഹിക്കുന്നതിനുള്ള കഴിവിനെ തടസ്സപ്പെടുത്താനുള്ള കഴിവുണ്ട്. ...